Þetta er búið að vera hin fínasta helgi og samt ennþá einn dagur eftir af henni. Á föstudagskvöld fór ég í afmæli til Regínu og vil ég óska henni enn og aftur til hamingju með daginn. Það var rosa gaman heima hjá henni, þar rifjuðum við vinkonurnar upp gamlar minningar og Bjössi spilaði nokkur lög á gítarinn og Regína spilaði eitt lag með honum á píanó.
Í gær skrapp ég upp í Bláfjöll á skíði og var það sko vel þess virði, frábært færi en dálítið kalt. En ég skemmti mér mjög vel, það er alltaf jafn gaman að fara á skíði. Ég verð nú að bæta því við að ég keypti mér líka nýja skíðaskó á föstudaginn og þeir voru bara rosa góðir.
Í dag ætla ég að reyna að læra og vonandi gengur það vel því ekki veitir af.