Það hefur nú alveg eitthvað gerst síðustu vikuna. Helgin var rosalega fín, ég skellti mér á handboltaleikinn á laugardaginn Ísland-Svíþjóð og það var rosalega gaman. Ég var búin að gleyma því hversu gaman það er að vera á svona skemmtilegum handboltaleik. Stemningin í höllinni var alveg rosaleg og spennan mikil líka alltaf gaman þegar gengur vel.

Á sunnudaginn lág leiðin í brúðkaup til frænku minnar sem var haldið í rosalega fallegri kirkju úti á landi rétt áður en komið er í Galtalæk og eftir það var veislan í sumarbústað rétt hjá. Þetta var frekar stór bústaður með stórum palli þannig fólkið komst nú alveg fyrir. Þetta gekk allt mjög vel fyrir sig og var mjög skemmtilegt nema eitt atvik sem átti sér stað þarna því það kviknaði í pilsinu hjá einni í veislunni. Ég sat úti á pallinum og þá sá ég bara þessa konu koma hlaupandi út og svo var eldur aftan á rassinum á pilsinu. Það náðist sem betur fer að slökkva eldinn í tæka tíð en konan fór upp á slysó til að láta skoða sárið. En annars var veislan alveg frábær og Júlía og Gulli svo sæt :)

Þar sem við vorum komin út á land ákvaðum við Þröstur bara að kíkja í bústaðinn til mömmu og pabba á Laugarvatn og vorum við þar í góðu yfirlæti, borðuðum góðan mat og sátum heillengi í pottinum um kvöldið.