Svakalega langar mig til að opna páskaeggið sem er hérna á borðinu fyrir framan mig. Þetta er svona Rís páskaegg og ég fékk svoleiðis í fyrra og það var alveg rosalega gott. Ég held samt að ég verði að hemja mig og æfa mig í að vera gott fordæmi fyrir því sem koma skal :)

Annars verð ég að tilkynna það að ég fór í strætó í vinnuna í morgun þar sem bíllinn þurfti að fara í skoðun. Mér leið svona eiginlega eins og ég væri komin til útlanda en þetta var bara mjög fínt að sitja í strætó með ipod og fréttablaðið og maður bara hresstist við þetta og kom alveg ferskur í vinnuna. Bara aldrei að vita nema ég fari að gera þetta oftar sérstaklega í góðu veðri.

Annars er vinnuálagið að aukast í vinnunni og vika í fyrsta prófið þannig ég get svosem ekki kvartað yfir því að hafa ekkert að gera. Styttist líka óðum í New York hjá okkur :)