Klukkan er rúmlega 9 og ég er enn á hlöðunni, þvílíkur dugnaður en ég er samt bara á 3.kaflanum í dag sem mér finnst nú enginn brjálaður afrakstur á heilum degi en það þýðir lítið að svekkja sig yfir því núna.

Ástæðan fyrir því að ég er að reyna að vera svona dugleg að læra núna er vegna þess að það er Alþjóðlegt badmintonmót um helgina eða Iceland International, það eru að koma hundrað og eitthvað útlendingar. Ég spila í einliða og tvíliða á föstudaginn en mótið byrjar samt seinnipartinn á fimmtudag. Það verður spilað alla helgina, fimmtud-sunnudags. Á laugardagskvöldinu er búið að plana playerspartý fyrir alla. Það verður örugglega mjög gaman að fylgjast með þessu móti og vonandi á okkur Íslendingunum eftir að ganga vel.

Oddný kemur svo til Reykjavíkur á morgun og verður gaman að hitta hana aftur eftir langa fjarveru á Akureyri.
Loksins getum við hist allar vinkonurnar, ég, Sara, Oddný og Eva Pet. Ég held við höfum ekki hist allar saman í tja 1 eða 2 ár.