Jæja fer ekki að koma tími á smá uppfærslu. Ég verð nú að byrja á að tala aðeins um veðrið það er ótrúlega fyndið að það er svona líka mikið haustveður úti alveg grenjandi rigning og hífandi rok úti og mann langar bara ekkert að fara út úr húsi en vonandi lagast þetta næstu daga en það er reyndar ágætt að hafa einhvern svona innidag líka.

Björk og Hlynur áttu afmæli á fimmtudaginn 13. júlí og héldu partý í gærkvöldi, innilega til hamingju með daginn aftur kids. Við byrjuðum reyndar í grilli hjá Báru og Kalla sem var rosalega fínt og gaman. Þau tiltölulega nýflutt í nýja húsið sitt sem var alveg glæsilegt. Eftir grillið fórum við í afmælispartýið og var alveg fullt af fólki og mjög gaman að hitta alla og flestir orðnir mjög hressir líka því við komum því miður svo seint.

Í dag er það svo bara að slappa af en fara í skírnaveislu seinni partinn. Við höfum nú ekki farið í margar skírnaveislur undanfarið en munum líklega halda eina slíka á næstu mánuðum þannig ég hlakka til að sjá hvernig þetta allt verður. Það er verið að fara að skíra litlu prinsessu Báru og Svavars.

Óléttan gengur annars bara rosalega vel og fer ég í mæðraskoðun i hverri viku þannig það er líka gott að vita að það er fylgst vel með manni á lokasprettinum. Í dag er akkúrat mánuður í áætlaðan fæðingardag en það eru nú ekki miklar líkur á að barnið komi í heiminn akkúrat þann dag en verður spennandi að vita hvaða afmælisdag hann velur sér :)

Ég er annars alveg húkt á Greys Anatomi þessar vikurnar og horfi örugglega a svona einn þátt á dag þessir þættir eru algjör snilld og mæli ég sko alveg með þeim. Ég set þá í sama sæti og 24 og Desperate.