Enn einn sunnudagurinn genginn í garð, sunnudagar eru svona dagar hjá mér þar sem ég ætla að gera svo mikið en enda svo nánast alltaf á því að gera hreint EKKI neitt, allt í einu er dagurinn bara búinn áður en ég get byrjað á öllu því sem ég ætla að gera.
Þessi helgi er annars búin að vera mjög fín, fór með Ingu í vísó á föstud og partý eftir það þar sem voru pizzur og bjór, hittum Unni,Kidda og fleiri á Galileo og kíktum svo í afmæli til Ómars á Gauknum.
Gærdagurinn var svo rosa skemmtilegur, byrjaði á því að ég fór að vinna á aðalfundi KB á Nordica en strax eftir það hittumst við gellurnar Katrín, María, Hrund, Bára og ég og fórum í Bláa Lónið, fórum svo heim til Katrínar þar sem við elduðum alveg geggjaðan mat, mikið stuð hjá okkur tókum nokkra drykkjuleiki og það var mikið talað.