Tíminn er afstætt hugtak!
Ótrúlegt hvað tíminn líður hratt þegar maður er að keppa við hann.

Ég hugsa oft með mér að ég vildi að sólarhringurinn væri lengri, svo oft sem ég næ aldrei að gera allt sem mig langar til að gera. Einhvern tíman lærði ég að maður ætti að setja sér markmið fyrir daginn og reyna að standa við þau og þannig væri hægt að ná betri árangri og afköstum.

Ég fór allt í einu að pæla í þessu þegar ég leit á klukkuna áðan og sá að hún er 3 en ég hélt hún væri svona 12 að hádegi. Það er greinilega svona gaman hjá mér, ég er djúpt sokkin í ritgerðaskrif og ætla að reyna að ná rosa afköstum um helgina og er þess vegna að reyna að vinna hratt, skipulega og örugglega.