Ég verð nú bara að viðurkenna það að Pink tónleikarnir voru bara nokkuð góðir og skemmtum við mamma okkur gríðar vel. Hún er svo ótrúleg hún Pink, svo skemmtilegur karakter og kom mjög vel fyrir. Þau hefðu samt mátt taka a.m.k. eitt aukalag sem þau gerðu ekki en svosem allt í lagi. Ég hitti frænku mína á tónleikunum sem gaf mér 2 miða í eftirpartý sem haldið var á Felix og var ég alveg við það að fara en þá kom skynsami púkinn upp í mér og messaði yfir mér að það væri ekki sniðugt að fara út á djammið í miðjum próflestri og á þriðjudagskvöldi, dem. Hefði samt verið gaman að sjá hana svona face to face.