Spurning að fara að segja eitthvað hérna. Eiginlega eina sem ég geri þessa dagana er að vinna og það verður svona til 31.janúar býst ég við.

Síðustu helgi skellti ég mér á skíði upp í Bláfjöll með Björk, Bendt og Þresti og var það mjög gaman. Rosalega fínt færi og maður var alveg endurnærður eftir þetta og ég verð nú bara að viðurkenna að ég var ansi þreytt um kvöldið hehe...

Pabbi átti afmæli á sunnudaginn og var smá afmælisboð heima þar sem ansi góðar kökur og brauðréttir voru á boðstólnum.

Planið fyrir helgina fyrir utan það að vinna er að fara í afmæli annað kvöld til Freyju og út að borða á laugardagskvöldinu með viðskiptafræðiskvísunum.

Á langtímaplaninu er það svo Akureyri í febrúar á skíði og til Oddnýjar, London í mars að heimsækja Unni Eir með vinkonunum og New York í byrjun maí með Þresti þannig svosem nóg að hlakka til framundan.