Jæja þá er ég orðin jafn þung og þegar ég var komin ca 12 vikur á leið og ekkert sást á mér og vonandi fjúka þessi 2-3 kg sem eftir eru bara sem fyrst. Ótrúlegt samt því ég get ekki sagt að ég sé búin að vera að hreyfa mig eitthvað mikið. Er í leikfimi 2x í viku og reyni svo að fara út að ganga þegar veðrið er gott. Ég held samt að ef það er eitthvað neikvætt sem hægt er að setja út á það að vera ólétt eða eignast barn þá held ég að það sé hvað maður þyngist mikið. Ég var hætt að nenna að stíga á vigtina undir lokin og maður braut hverng múrinn á fætur öðrum hehe...og vonandi verð ég bara aldrei aftur jafn þung nema ef ég verð kannski einhvern tíman aftur ólétt hehehe...

Ég er aðeins byrjuð að læra í spænskunni en ég hef annars ekki gefið mér mikinn tíma í það en ætla að reyna að taka smá slurk í vikunni þar sem það á að skila einhverju stóru verkefni á föstudaginn og ekki má ég klikka á því.

Ég vona að veðrið haldist áfram svona gott svo ég komist áfram út í göngutúr.

Það hefur annars verið alveg nóg að gera hjá okkur mæðginunum fórum að hitta bankastelpurnar í gærkvöldi og í síðustu viku hittumst við stelpur sem eigum allar börn núna í sumar og er planið að hittast vikulega.

En jæja þá er það leikfimin á eftir og ekki seinna vænna en að fara að undirbúa það (ótrúlegt hvað maður þarf að byrja snemma að taka sig til þegar maður á að mæta eitthvað á ákveðnum tíma)