Mér líður eiginlega eins og ég sé komin í jólafrí, ég tók aðeins upp jóladótið í gærkvöldi og setti eina seríu út í glugga. Ég er kannski svona heldur snemma að skreyta þetta árið en ég er bara rétt að byrja svona aðeins. Ég er eins og lítill krakki þegar kemur að einhverju jólaeitthvað en ástæðan fyrir þessum gífurlega spenningi alltaf í kringum jólin er væntanlega sá að ég á afmæli um jólin líka þannig einhvern vegin hafa jólin alltaf veirð uppáhalds tími ársins hjá mér.

Við erum sem betur fer komin með vetrardekkin undir bílinn þannig við mæðginin getum kannski farið eitthvað út úr húsi í dag. Ég sem hélt að það væri aldrei ófært hérna í Fossvoginum bara í sveitinni uppi í Árbæ en það hefur víst eitthvað klikkað þetta árið.

Ég var að bæta inn einum link hérna til hægri á síðunni hún Ásta sem var með mér í viðskiptafræði er í Kína að læra og það er rosalega gaman að fylgjast með henni og lesa það sem hún er að gera.

Er annars ekki spurning um að fara að koma sér á fætur og gera eitthvað. Planið í dag er annars að fara í ungbarnanudd, stússast eitthvað aðeins og kíkja við hjá Oddnýju sem er í Reykjavík um þessar mundir.