Helgin búin að vera alveg æðisleg hjá okkur litlu fjölskyldunni við vorum í sumarbústað við Álftavatn í Grímsnesi. Aðalástæðan fyrir sumarbústaðarferðinni var því hann Þröstur minn átti afmæli í gær og héldum við upp á afmælið í sveitinni. Foreldrar okkar kíktu í hádegismat í gær og amma Þrastar en annars vorum við bara 3 að hafa það notalegt. Við borðuðum góðan mat, fórum í heitapottinn þegar Andri Þór var sofnaður á kvöldin og bara tókum því rólega.

Á morgun erum við annars að byrja í ungbarnasundi og held ég að foreldrarnir séu miklu spenntari en barnið heheh...Það verður spennandi að sjá hvernig Andra Þór á eftir að líka þetta.